Health & Beauty lover

Sunday, September 25, 2016

ស្ករ + អំបិល អាចកម្ចាត់ស្នាមសង្វារឱ្យបាត់ជារៀងរហូត

តើអ្នកដឹងទេថា គ្រឿងទេសដែលអ្នកប្រើប្រាស់នៅក្នុងផ្ទះបាយរាល់ថ្ងៃអាច ជួយដោះស្រាយស្នាមសង្វារបាន? ស្ករ និងអំបិលមិនត្រឹមតែជាគ្រឿងទេសសម្រាប់ធ្វើឱ្យអាហារកាន់តែមាន រសជាតិឆ្ងាញ់ប៉ុណ្ណោះទេ ថែមទាំងជាឱសថដ៏ល្អក្នុងការកម្ចាត់ស្នាមសង្វារឱ្យបាត់ជារៀងរហូត បានថែមទៀត។
គ្រឿងផ្សំ៖
- អំបិល ២៥០ក្រាម
- ស្ករ ២៥០ ក្រាម
- ប្រេងដូង ១០០ ទៅ ១៥០មីលីលីត្រ (ប្រសិនបើអ្នកមិនមានប្រេងដូងទេ អាចប្រើប្រេងអូលីវជំនួសបាន)។
របៀបផ្សំ៖
- លាយគ្រឿងផ្សំទាំងអស់នេះលាយបញ្ចូលគ្នា ឱ្យក្លាយទៅជាល្បាយខាប់ៗក្នុងរយៈពេលកន្លះម៉ោង។
- ចាប់ផ្តើមអនុវត្តល្បាយនេះនៅត្រង់កន្លែងដែលកើតមានបញ្ហា ហើយម៉ាស្សាឱ្យបាន ២ ទៅ ៣នាទី។
- ពេលដែលស្ងួត សូមលាងសម្អាតជាមួយនឹងទឹកក្តៅឧណ្ឌៗ។ បន្ទាប់ពីជូតសម្អាតហើយ កុំភ្លេចប្រើក្រែមផ្តល់សំណើមដល់ស្បែកតាមក្រោម។
ជាធម្មតាត្រូវចំណាយពេលជិត ១ខែ ស្នាមសង្វារនឹងចាប់ផ្តើមបាត់បន្តិចម្តងៗ។ ប៉ុន្តែកុំទាន់ឈប់ប្រើប្រសិនបើអ្នកកត់សម្គាល់ឃើញលទ្ធផល ព្រោះការព្យាយាមប្រើបន្តទៀតស្នាមសង្វារនឹងបាត់ទាំងអស់ស្រុង៕
ប្រភព: ខ្មែរប្រពៃ

ត្រឹមតែស៊ុត ១ គ្រាប់ប៉ុណ្ណោះគឺគ្រប់គ្រាន់ហើយ ដើម្បីកម្ចាត់មុននៅលើផ្ទៃមុខលោកអ្នក (មានវីដេអូ)

មុនធម្មតា និងមុនក្បាលខ្មៅជាបញ្ហាចម្បងដែលធ្វើឲ្យខូចផ្ទៃមុខ និងប៉ះពាល់ដល់សម្រស់របស់លោកអ្នកយ៉ាងខ្លាំង។ ដើម្បីកម្ចាត់បញ្ហានេះប្រកប ដោយប្រសិទ្ធភាពខ្ពស់ និងអស់ការចំណាយតិច យើងខ្ញុំ សូមណែនាំលោកអ្នកពី
រូបមន្តធ្វើម៉ាស់បិតមុខធម្មជាតិដែលប្រើតែស៊ុត ១ គ្រាប់តែប៉ុណ្ណោះ។ដើម្បីទទួលបានម៉ាស់បិតមុខដ៏អស្ចារ្យនេះ សូមអនុវត្តតាមចំណុចដូចខាងក្រោមនេះ៖
+ ដាក់ស៊ុតពណ៌ស ១ ក្នុងចាន ហើយកូរវាសព្វ។
+ យកស៊ុតនេះមកលាបលើផ្ទៃមុខ និងកឲ្យសព្វ (ចៀសវាងភ្នែក និងមាត់)។
+ យកក្រដាសជូតមាត់មកដាក់ពីលើផ្ទៃមុខដែលលាបស៊ុតរួច។
+ យកយកស៊ុតពណ៌សមកលាបលើក្រដាស់ជូតមាត់មួយជាន់ទៀត។
+ ទុកវារយៈពេល ៣០ នាទី។
+ យកក្រដាសចេញពីផ្ទៃមុខថ្នមៗ និងលាងជម្រះជាមួយនឹងទឹកក្តៅ។
+ ធ្វើដូចនេះ ២ ដងក្នុង ១ សបា្តហ៍។
+ ដើម្បីកាន់តែច្បាស់ សូមអញ្ជើញប្រិយមិត្តទស្សនាវីដេអូខាងក្រោមនេះ៖

លែងមានស្បែកយារ និងស្នាមជ្រួញលើមុខ ជាមួយគ្រឿងផ្សំ តែ ២ ប៉ុណ្ណោះ!

នៅពេលអាយុរបស់អ្នកកាន់តែច្រើន ស្បែករបស់អ្នកក៏ចាប់យារធ្លាក់ក្នុងពេលជាមួយគ្នាផងដែរ។
ប៉ុន្ដែមានវិធីធម្មជាតិអ្វី ដែលអាចបន្តឹងស្បែកមុខរបស់អ្នកកុំយារធ្លាក់ទៅ? គ្រឿងផ្សំទាំងពីរនេះអាចប្រឆាំងស្នាមជ្រួញ និងស្បែកយារធ្លាក់បាន។
* គ្រឿងផ្សំ
   - ត្រសក់ (ផ្ទុកសារធាតុប្រឆាំងអុកស៊ីតកម្មដូចជាវីតាមីន C និង K រារាំងស្នាមជ្រួញនិងធ្វើឱ្យកោសិកាងាប់រស់ឡើងវិញ)
   - ស៊ុតស (ស៊ុតមានអត្ថប្រយោជន៍ច្រើន ដែលមានសមត្ថភាពអាចបន្តឹងស្បែកមុខបាន)។
   * របៀបផ្សំ
   កាត់ត្រសក់ ២ ផ្លែបន្ទាប់មកចិតសំបកចេញ ហើយកាត់វាទៅជាកង់តូចៗ។ បន្ទាប់មកដាក់ចូលម៉ាស៊ីនទឹកក្រឡុកកិន ២ នាទី ដួស ១ ស្លាបព្រាបាយបិទលើមុខទុកចោលរហូតដល់វាស្ងួត។
   បន្ទាប់មកយកស៊ុតស លាយជាមួយត្រសក់កិននៅសល់អំបាញ់មិញ ហើយលាបលើកន្លែងដែរចង់បន្ដឹងលើមុខ ឬរាងកាយក៏បាន ហើយទុកចោល ១៥ នាទីសឹមលាងជាមួយទឹកត្រជាក់។
   ធ្វើបែបនេះ ២ ទៅ ៣ ដងក្នុងមួយសប្ដាហ៍៕
ប្រភព : khmeread

គ្រឿងផ្សំ ២មុខ កម្ចាត់រោមមិនឲ្យដុះមកវិញ ជារៀងរហូត!

គ្រឿងផ្សំដែលអ្នកត្រូវការ៖
– ម្សៅរមៀត
– ទឹកដោះគោឆៅ

ការណែនាំ៖
លាយម្សៅរមៀត និងទឹកដោះគោឆៅ ទាំងអស់បញ្ចូលគ្នា (ម្សៅរមៀត ៣ភាគ លាយជាមួយទឹកដោះគោ ១ភាគ) លាយរហូតអ្នកទទួលបានល្បាយខាប់មួយ។

ការប្រើប្រាស់៖
យកល្បាយនេះ មកលាបលើស្បែករបស់អ្នក ត្រង់កន្លែងដែលមានរោមមិនល្អ ហើយអ្នកចង់កម្ចាត់វាចេញ ហើយទុករហូតដល់ស្ងួតទាំងស្រុង ទើបធ្វើការបកវាចេញ។ អនុវត្តការព្យាបាលនេះ ឲ្យបាន ២ ទៅ ៣ថ្ងៃ អ្នកនឹងទទួលបានលទ្ធផលគួរជាទីគាប់ចិត្តបំផុត៕

Tuesday, September 20, 2016

ឱសថធម្មជាតិជួយឱ្យឆាប់មានកូន និងបង្ការការរលូតកូន

១. ផ្លែទទឹម

ផ្លែទទឹមជួយជំរុញលទ្ធភាពបង្កកំណើតចំពោះស្ត្រី ដោយបង្កើនលំហូរឈាមទៅស្បូន និង ជួយឱ្យស្រទាប់ស្បូនក្រាស់ល្អ។ ទទឹមក៏ជួយឱ្យទារកលូតលាស់ល្អផងដែរ។ ក្រៅពីនេះ ទទឹមជួយបង្កើនគុណភាពមេជីវិតចំពោះបុរសៗដូចគ្នា។

*កិនគ្រាប់ទទឹម និងសំបកទទឹម (ហាលឱ្យស្ងួតទាំងពីរ) ឱ្យទៅជាម្សៅ។ លាយក្នុងបរិមាណស្មើគ្នា រក្សាទុកក្នុងកូនដបដែលមានមាត់តូច។ លាយម្សៅនេះ ១/២ ស្លាបព្រាកាហ្វេជាមួយទឹកក្តៅឧណ្ហៗមួយកែវ (២៥០ មិល្លីលីត្រ) ផឹក ២ ដងក្នុងមួយថ្ងៃ ផឹកពេលមុនបាយព្រឹក និងបាយថ្ងៃ (ផ្សំម្តងផឹកម្តង ដូច្នេះបើផឹក ២ ដងគឺត្រូវផ្សំពីរដង)។ ផឹកឱ្យបានច្រើនសប្តាហ៍ដើម្បីជំរុញលទ្ធភាពមានកូន។ ដូច្នេះត្រូវហាលគ្រាប់ទទឹម និង សំបកទទឹមឱ្យច្រើន។

*ផឹកបន្ថែមទឹកផ្លែទទឹមស្រស់ ១ កែវ (២៥០ មិល្លីលីត្រ) រាល់ថ្ងៃផង។

 ២. ល្មើ

យោងតាមប្រព័ន្ធព្យាបាលបែបបុរាណហៅថា Ayurveda ផ្លែល្មើជួយបង្កើនឱកាសមានកូនខ្ពស់ ណាស់ចំពោះស្ត្រី។ វាសម្បូរទៅដោយវីតាមីន និងជាតិរ៉ែ ដែលល្អសម្រាប់ការមានកូន។

*យកគ្រាប់ល្មើចេញពីល្មើស្រស់ ១០ ទៅ ១២ គ្រាប់។

*កិនគ្រាប់ល្មើជាមួយល្ងខ្មៅ ២ ស្លាបព្រាបាយ។

*បន្ថែមទឹកដោះគោស្រស់ ៣/៤ កែវចូលក្នុងល្បាយគ្រាប់ល្មើនិងល្ង ហើយដាំវាឱ្យពុះ។

*ផ្សំហើយផឹកវាភ្លាម ហើយផឹកវាមួយថ្ងៃម្តង និងផឹកឱ្យបាន ៧ ថ្ងៃ ចាប់ពីថ្ងៃមករដូវចុងក្រោយបង្អស់(ផ្សំម្តងផឹកបានតែម្តងទេ)។ លោកអ្នកអាចពិសាត្រណាប់ល្មើរាល់ថ្ងៃក្នុងកម្រិតល្មមផងដែរ។

៣. អាស៊ីតហ្វូលីក (Folic Acid)

អាស៊ីតហ្វូលីកជាប្រភេទវីតាមីនដ៏សំខាន់សម្រាប់អ្នកដែលព្យាយាមចង់បានកូន។ វាជួយដល់កោសិកា និង ការបញ្ចេញពងអូវុល។ ជាការពិត អ្នកជំនាញសុខភាពណែនាំឱ្យលេបវីតាមីននេះ មុនពេលនិងអំឡុងពេលមានគភ៌។

*លេបវីតាមីន Folic Acid (៤០០ mcg) រាល់ថ្ងៃយ៉ាងតិច ១ ខែ មុនពេលអ្នកមានផ្ទៃពោះ និងលេបអំឡុងបីខែដំបូងពេលមានគភ៌។ និយាយជាមួយវេជ្ជបណ្ឌិត និងសួរគាត់ថាតើគួរលេបថ្នាំវីតាមីននេះកម្រិតប៉ុន្មាន នៅមុននិងក្រោយពេលពរពោះ។

*អ្នកក៏អាចទទួលទានអាហារដែលសម្បូរអាស៊ីតហ្វូលីកផងដែរ ដូចជា បន្លែស្លឹកបៃតង ស្ពៃប្រូខូលី ផ្លែបឺរ ទំពាំងបាយជូរក្រៀម សណ្តែកបាយ ចេកអាំង និងបន្លែក្រៀម។

៤. ប្រេងអូលីវ

ប្រេងអូលីវមានប្រសិទ្ធភាពក្នុងការបង្កើនលទ្ធភាពមានកូនចំពោះស្ត្រី។

* ពិសាប្រេងអូលីវស្រស់ ១ ទៅ ២ ស្លាបព្រាបាយរាល់ថ្ងៃដើម្បីបង្កើនលទ្ធភាពមានកូន។

*បើមិនចង់ពិសាប្រេងស្រស់ៗ អ្នកអាចយកប្រេងអូលីវធ្វើញាំបន្លែ ឬចម្អិនអាហារជាមួយប្រេងនេះក៏បាន។

៥. ទឹកខ្មេះប៉ោម

ទឹកខ្មេះប៉ោមជួយជំរុញលទ្ធភាពមានកូន បណ្តេញជាតិពុលពីរាងកាយ និងជួយរក្សាតុល្យភាពអ័រម៉ូន។ វាជួយរក្សាកម្រិតជាតិអាល់កាលីនទាំងក្នុងទឹកមាត់ និង ទឹករំអិលក្នុងយោនីដើម្បីសម្រួលដល់ការមានគភ៌។ ក្រៅពីនេះ វាជួយការពារស្ត្រីពីការគ្មានកូនទៀតផង។

* លាយទឹកខ្មេះប៉ោម ២ ស្លាបព្រាកាហ្វេ និង ទឹកឃ្មុំបន្តិចបន្តួចទៅក្នុងទឹកបរិសុទ្ធ ១ កែវ ហើយផឹកវា ២ ដងក្នុងមួយថ្ងៃ ផឹកឱ្យបានច្រើនសប្តាហ៍។

* លោកអ្នកអាចចាក់ទឹកខ្មេះប៉ោម ១ កែវក្នុងអាងទឹក រួចដេកត្រាំទឹកនោះ ២០ ទៅ ៣០ នាទី មុនចូលគេង៕

ប្រពភ៖ khmeread

ស្រកទម្ងន់ ៤ គីឡូក្រាមក្នុងពេល ៤ ថ្ងៃប៉ុណ្ណោះ! ប៉ុន្តែសូមកុំពិសាលើសពី ៤ ថ្ងៃ!

* គ្រឿងផ្សំ

- ទឹក ៨ កែវ

- ខ្ញីចិញ្ច្រាំ ១ ស្លាបព្រាកាហ្វេ

- ត្រសក់ចៀសំបករួច និងកាត់ជាចំណិតៗ ទំហំល្មម ១ ផ្លែ

- ក្រូចឆ្មា ១ ផ្លែ

- ស្លឹកជីរអង្កាមស្រស់ ១២ ទងនិងស្លឹកស្ងួតកិនម៉ដ្ត ១ ស្លាបព្រាកាហ្វេ។

* របៀបធ្វើនិងប្រើប្រាស់

លាយគ្រឿងផ្សំដាក់ក្នុងចានធំមួយ កូរឱ្យសព្វរួចទុកចោលក្នុងទូទឹកកកមួយយប់។

ផឹក ៤ ទៅ ៥ កែវក្នុងមួយថ្ងៃ។ អ្នកអាចចាប់ផ្ដើមផឹកមុនពេលបាយព្រឹកជាបន្តបន្ទាប់ ពេញមួយថ្ងៃ ឱ្យគ្រប់ ៤ ឬ ៥ កែវ។ ហើយចាំអ៊ុតមើលលទ្ធផល។ ផឹកវារយៈពេល ៤ ថ្ងៃ លោកអ្នកនឹងឃើញស្រកទម្ងន់ ៤ គីឡូក្រាមដោយមិនដឹងខ្លួន។ ផឹកបូករួមទាំងធ្វើលំហាត់ប្រាណខ្លះអាចជួយពន្លឿនការសម្រកទម្ងន់របស់អ្នកបានយ៉ាងមានប្រសិទ្ធភាព៕

ប្រភព៖ naturalhealingmagazine

Sunday, September 18, 2016

វិធីអប់សក់ធ្វើអោយសក់ស្អាតដុះក្រាស់ល្អ និងមានទម្ងន់

សូមអនុវត្តការអប់សក់តាមបែបធម្មជាតិដូចខាងក្រោម៖

*អ្វីដែកអ្នកត្រូវកា៖

ពងមាន់២គ្រាប់ យកតែផ្នែកលឿង

ក្រូចឆ្មា១ផ្លែ និងប្រេងអូលីវ២ស្លាបព្រាបាយ

យកពងមាន់ និងក្រូចឆ្មា ព្រមទាំងប្រេងអូលីវ វាយបញ្ចូលគ្នាឲ្យសព្វរួចយកមកលាបលើសរសៃសក់ និងចាក់ឲ្យជោកតាំងពីចុងសក់ដល់គល់សក់។អប់សក់រយះពេល១ម៉ោងឬ២ម៉ោងដើម្បីឲ្យវាជ្រាបចូលដល់គល់សក់ ដោយគ្របជាមួយនឹងថង់ផ្លាស្ទីក បន្ទាប់ពីអប់សក់រួចសូមលាងជម្រះជាមួយក្រែមបន្ទន់

សក់ជាការស្រេច។

*វិធីប្រើដើម្បីទទួលបានប្រសិទ្ឋភាពខ្ពស់៖

ធ្វើឲ្យបាន២ដងក្នុងមួយសប្តាហ៍

អនុវត្តបែបនេះឲ្យបានរយះពេល២ខែ នោះសក់នឹងដុះកាន់តែក្រាស់ និងភ្លឺរលើបរលោងមានទម្ងន់ជាងមុន

*ចំណាំ៖ប្រេងអូលីវដាក់២ស្លាបព្រាបាយឬប្រែប្រួលទៅតាមចំនួនពងមាន់ដូចគ្នា(បើអត់មានប្រេងអូលីវអាចប្រើប្រេងHoneyជំនួសក៏បានដែរ) ឬបើអាចថែមទឹកឃ្មុំទៀតកាន់តែប្រសើរ។

ប្រភព: khmernews